智能家居除左有個語音助理同你傾下計，最重要係可以控制家中電器。我既目的係用聲音控制電視、音響、Apple TV、冷氣、風扇、Roomba 吸塵機及智能門鎖。而出到街，可以用智能電話開冷氣同風扇。要達到以上目的，唔駛將以上既電器全部買過！只係買個 HK$900 左右既 Logitech Harmony Smart Control 紅外線遙控器就做得到。
Logitech Harmony Smart Control 本身有一個遙控器和收發器 (Hub)。個遙控器絕少會用，最主要係用個 Hub 去發射紅外線操作電器。Logitech 多功能遙控器既設定係靠佢個 Harmony 手機 App。佢既賣點係佢有好豐富既資料庫，你只要輸入你件電器既牌子及型號，件電器既所有掣就會自動出現係個 App。我部 Panasonic 電視、Bose 音響、Roomba ，全部冇問題。如果 Logitech 個資料庫冇你件電器既資料，你就要用件電器本身個遙控器，續個掣去教番 Logitech Harmony，我部豐澤牌冷氣就冇資料，要續個掣去教番，好彩冷氣係冇咩掣啫。
 |
| Harmony Mobile App |
 |
| Bose AV Receiver 既 screen |
用 Logitech Harmony Smart Control 唔係只係將成個電器既遙控器變成手機版。佢有個功能叫「活動」 (Activities)，係包括一連串既動作。例如我有個活動叫 "Apple TV"，當一開啟呢個活動，佢會開電視、開音響、轉電視去正確既 HDMI 輸入，轉音響去 Apple TV 個輸入及開 Apple TV。而另外有個活動叫 "Air Condition"，佢就會開冷氣，然後開埋冷氣既左右風葉。當我學識呢個活動既概念，就好乖咁一個一個活動設定好。有 "Watch TV", "Apple TV", "Playstation", "Air Condition" 及 "Fan" 等。 (活動名作咩都可以，因為唔會直接影響到聲控)
 |
Activities
|
要將 Logitech Harmony 連接去 Alexa 使用聲控功能。好簡單，只要去 Amazon Alexa 個 App，Skills 個版面，安裝藍色圖案既 Logitech Harmony Skills。安裝完個 Skills 會自動去左設定版面，你用 Logitech Harmony 個帳戶登入，跟住就會見到之前係 Logitech Harmony 個 App 設定好既活動。佢有個位係設定活動既 Friendly Name，呢個好重要，例如 "Playstation" 個活動，如果我冇設定 Friendly Name，我只可以用 "Alexa, turn on playstation" 去開始呢個活動。如果我加個 "PS4" Friendly Name，我就可以用 "Alexa, turn on PS4" 啦！
 |
| 藍色圖案既 Logitech Harmony Skills |
 |
| Friendly Name 設定畫面 |
點解我話好重要呢？因為我就係靠 Friendly Name 去教 Alexa 廣東話。我係 "Air Condition" 個活動加左個 "laang hei" Friendly Name，咁我就可以講 "Alexa, turn on 冷氣" 去開冷氣機啦！
有幾個幾有用既指令係自動生效。
Alexa, volume up
Alexa, volume down
Alexa, turn up the volume by 5
Alexa, mute
Alexa, unmute
Alexa, pause
Alexa, play
Logitech Harmony 仲會好聰明咁知道你睇緊電視時叫 "Alexa, volume up"，就會加大電視機聲音。用音響出聲時就加大音響既聲音。
開電視、開 Apple TV、開冷氣，一切既聲控都好完美啦！睇睇下電視開始覺得凍，咁我就叫 "Alexa, turn off air condition"，佢一答 "OK"，跟住就熄晒我部冷氣、電視及音響。原來 Logitech Harmony 有個好奇怪既特性，佢同一時間只可以有一個活動，當 "Turn off" 一個活動，就會將所有電器熄晒。我電郵去 Logitech 問，佢教左我一個唔太正常既方法去解決呢個問題。
我係 Logitech Harmony 個 App 既 Devices List 內，搵到部冷氣，跟住入去改佢個 Power Settings 去 "There are no power buttons"。咁樣當"Turn off" 活動時就唔會熄左部冷氣。
 |
| Power Settings |
要整返聲控熄冷氣既功能，就要入去冷氣個 device ，加一粒叫 Pwr On 及一粒叫 Pwr Off 既掣，然後用冷氣既遙控器教呢兩粒掣。跟住開一個新既活動叫 "Air Condition On"，加 "Pwr On" 入去 "Start Sequence"。開另一個活動叫 "Air Condition Off"，加 "Pwr Off" 入去 "Start Sequence"。跟住就可以用呢兩個活動去控制開關冷氣。去到 Amazon Alaxa 個 App，會見到呢兩個活動，"Air Condition On" 活動我會比個 "Air con" friendly name 佢，咁我就可以用 "Alexa, turn on air con" 去開冷氣。而 "Air Condition Off" 活動比左 "Air con off" 及 "sik laang hei" friendly name 佢，咁我就可以用 "Alexa, turn on air con off" 及 "Alexa, turn on 熄冷氣" 去熄冷氣機。雖然好怪，但總算行得通！(最近 Alexa 加左個 routine 功能，終於解決左呢個奇怪既叫法，我係另外一編同大家講講)
 |
| "Air Condition Off" 活動內既 Start Sequence |
個 Lockitron 智能鎖方面，因為本身唔支援 Amazon Alexa，所以我靠 IFTTT 去聲控，我講 "Alexa, trigger door lock" 就可以叫佢鎖門。不過我好少用，因為出左門口，關左門，唔通大叫入屋叫 Alexa 去鎖門，超怪！所以我都係用返部 iPhone 去開同鎖門比較多。
用電話開門鎖
No comments:
Post a Comment