Amazon Echo 新 Routine 功能

Alexa 最近出左個新既 routine 功能，可以用一句命令控制一連串動作。例如講 "Alexa, good morning"，Alexa 就會開燈、報天氣、報交通及開電視。講 "Alexa, goodbye"，Alexa 就會熄晒全屋既燈、熄電視及音響。

最近睇左由茱迪科士打 (Jodie Foster) 主演既絕命酒店 (Hotel Artemis)，好記得有一幕茱迪科士打係佢間房講一句 "TV"，個電視就開左。我當時即刻諗，點解我要叫 "Alexa, turn on TV", "Alexa, turn on 熄電視" 咁複雜。

有左 Routine 呢個新功能，我嘗試簡化個指令。我整左個 "Alexa, TV" 既指令，裡面就只有執行 Logitech Harmony "Turn on TV" 既活動，跟住 Alexa 答 "ok, tv on"。另外一個 "Alexa, TV off" 既指令，裡面就只有執行 Logitech Harmony "Turn off TV" 既活動，跟住 Alexa 答 "ok, tv off"。

整完即刻試下，真係得喎，簡單一句 "Alexa, TV" 就開到電視。跟住我整埋 "Alexa, apple tv", "Alexa, playstation", "Alexa, dyson"。"Alexa, playstation" 唔得，佢以為我叫 "Alexa, play station"，所以開左 TuneIn 既電台。咁我改為 "Alexa, playstation four" 就得啦。而 "Alexa, dyson" 唔知點解都係開唔到把 Dyson 風扇。

我又有個想法，可唔可以叫 "Alexa, 電視" 呢？我嘗試整一個 "Alexa, din si" 指令，跟住試下，係唔得既，Alexa 話唔知我講咩！