Homebridge (2): 安裝 Plugins

Homebridge Plugins 係用黎同你既智能裝置溝通。我地可以係返我地 Homebridge 主頁既 Plugins 找尋你需要既 Plugins。

Homebridge (1): 將不支援 Homekit 的裝置加入 Homekit

我有好多電器係靠 Logitech Harmony 紅外線去控制，但 Logitech Harmony 又唔支援 Homekit。另外我個 LG 電視，Roomba 自動吸塵機等都唔支援 Homekit。不過有個免費軟件叫 Homebridge，可以將不可能變可能，將好多裝置變成支援 Homekit。

HomePod Mini 支援廣東話既智能家居助手

HomePod 係市面唯一支援廣東話既智能家居助手，不過 HomePod 既價錢相比 Alexa 同 Google Home 都貴好多。不過蘋果出左隻平價既 HomePod, 就係 HomePod Mini。終於可以投身廣東話既智能家居。

宜家傢俬 Tradfri 無線動態感應器連接 Philips Hue 系統

Philip Hue 有一個無線動態感應器，可以探測到有人就開燈，冇人就熄燈。佢仲可以跟據唔同既時間設定唔同既燈光效果。例如半夜 12:00 至早上 6:00，如果探測到有人就開暗暗地既燈比你行去廁所。不過呢個動態感應器要成 HK$350 左右，都幾貴。

宜家傢俬 Tradfri 智能燈具有一個簡化版既無線動態感應器，佢只係可以探測到有人就開燈，冇人就熄燈，加埋如果有日光就唔會開燈，但價錢只係 HK$180。所以我就買左一隻黎試下加入 Philip Hue 既系統。

Ikea Tradfri 無線動態感應器

宜家傢俬 Tradfri 無線光暗器連接 Philips Hue 系統

宜家傢俬 Tradfri 智能燈具系列有一個遙控器及一個無線光暗器，遙控器既功能類似 Philps Hue 既遙控器，價錢 HK$159.9，同 Philps Hue 個遙控器差好少，所以我冇咩興趣。反而我對 HK$99.9 既無線光暗器有興趣，所以買左返黎試。

燈及無線光暗器

宜家傢俬智能燈膽 Tradfri 連接 Philips Hue 系統

Philips Hue 既燈膽及配件其實都唔平，我最平搵到白黃光 E27 燈膽 $204，白黃光 E14 燈膽 $194。原來宜家傢俬 (IKEA) 既 Tradfri 智能燈膽及配件係可以加入去 Philips Hue 個系統。IKEA 有個唔可以轉色，只有黃光既燈膽賣 $99.9。如果唔須要轉色，只要智能開關及調光暗，呢個係一個較平既選擇。

用 Alexa 英文及 Siri 廣東話聲控 Philips Hue 智能燈

上一編講左我買左 Philips Hue 既智能燈膽，我分別安左四個係客廳，兩個係睡房，而個遙控器就安左係睡房門口。燈膽安裝非常簡單，同平時換燈膽一樣，而個 Hub 就比電，然後直接插網絡線入去 Router，幾分鐘就搞掂晒。硬件設定好，跟住到軟件。上一編有講，我要 Philips Hue 同時支援 Amazon Alexa 及 Apple HomeKit，所以比較多野要設定。我要分三個軟件去設定，分別係 Hue 自己個軟件、 Apple HomeKit 及 Amazon Alexa 既軟件。

選擇智能燈系統

有人覺得智能燈系統只係將所有燈由電話或平版電腦控制及出街都開關到燈。我唔接受開燈時，要拎個電話或平版電腦出黎，解鎖，開個 App，選要開既燈，再按開關，咁樣做仲慢及煩過行去燈掣按一下開關掣。咁我做咩要咁做呢？我要既智能燈系統，係要做到：

• 聲控，坐係梳化唔駛郁就咁叫開關燈、
• 夜晚有任何屋企成員返到屋企時會自動開燈、
• 日落時有人係屋企會自動開燈、
• 瞓覺前或者出街叫佢熄燈，佢會先較暗燈，然後我上左床或出左街先熄燈

Amazon Echo 新 Routine 功能

Alexa 最近出左個新既 routine 功能，可以用一句命令控制一連串動作。例如講 "Alexa, good morning"，Alexa 就會開燈、報天氣、報交通及開電視。講 "Alexa, goodbye"，Alexa 就會熄晒全屋既燈、熄電視及音響。

非常好用既 August 智能門鎖

用左四年個舊 Lockitron 智能門鎖，有兩樣野唔係太滿意，一：因為佢有內置 Wifi,，所以電池用得好快，差唔多個個月要換四粒 AA 電，二：佢時不時傻左，開唔到門，要用返鎖匙先開到。感覺唔係太穩定，所以都係時候要換。我所選既智能門鎖必須唔駛改門個鎖位，可以自己安及拆。市場上好似都係得 Lockitron 同 August，咁我就買 August 玩。

Amazon Echo: Alexa 播香港電台

Alexa 既 TuneIn 音樂服務內係有香港電台既頻道，但係就咁講 "Alexa, play RTHK Radio 2 in TuneIn"，佢好多時都搵唔到香港電台既頻道。其實我地可以用 Amazon Alexa 個 App，人手搵左個頻道出黎先。跟住同佢講 "Alexa, play TuneIn"，咁佢就會播番上一次聽既 TuneIn 頻道。如果你要轉另一個頻道，咁就要用返個 App 去揀啦！

Amazon Echo 報告即時交通狀態

當你向 Alexa 講 "How is traffic?" 或者 "What's traffic?"，Alexa 會話比你知交通狀態！但之前我地一定要先去 Amazon Alexa 個 App 設定好起點及目的地。

聲控家庭電器：Amazon Echo 及 Logitech Harmony (二)

智能家居除左有個語音助理同你傾下計，最重要係可以控制家中電器。我既目的係用聲音控制電視、音響、Apple TV、冷氣、風扇、Roomba 吸塵機及智能門鎖。而出到街，可以用智能電話開冷氣同風扇。要達到以上目的，唔駛將以上既電器全部買過！只係買個 HK$900 左右既 Logitech Harmony Smart Control 紅外線遙控器就做得到。

Logitech Harmony Smart Control 本身有一個遙控器和收發器 (Hub)。個遙控器絕少會用，最主要係用個 Hub 去發射紅外線操作電器。Logitech 多功能遙控器既設定係靠佢個 Harmony 手機 App。佢既賣點係佢有好豐富既資料庫，你只要輸入你件電器既牌子及型號，件電器既所有掣就會自動出現係個 App。我部 Panasonic 電視、Bose 音響、Roomba ，全部冇問題。如果 Logitech 個資料庫冇你件電器既資料，你就要用件電器本身個遙控器，續個掣去教番 Logitech Harmony，我部豐澤牌冷氣就冇資料，要續個掣去教番，好彩冷氣係冇咩掣啫。

聲控家庭電器：Amazon Echo 及 Logitech Harmony (一)

上年 2017 年中。市場上有三大智能語音助理，有 Amazon Echo、Apple HomePod 及 Google Home，不過三隻都唔支援廣東話。咁初玩智能語音助理，我就買左最平，HK$400 左右既 Amazon Echo Dot 試下先。 (黎緊 Apple HomePod 應該會最先支援廣東話，不過 Apple HomePad 好鬼貴)

因為 Amazon Echo 冇係香港發售，所以要安裝 Amazon Alexa 個 App 係要開個美國 Apple ID Account ，然後先可以係 App Store 搵到 Amazon Alexa 個 App。開 Apple ID 時付費方式選擇 "免費" 就唔駛比信用卡號碼。

智能家居初接觸

智能家居，好似好勁同好貴既野！因為科技既進步，所以開始變得大眾都可以接觸到既科技。大家初初接觸智能家居，好多時都係由科幻電影開始，最為大家熟悉既就係好似 Iron Man 裡既 Jarvis。可以同你傾計，幫你搵資料及控制其他電器。 

係 2004 年，當時仲未有智能手機既年代，我買左個用紅外線感應開蓋既垃圾桶，當時已經好智能。個垃圾桶用到今日 2018 年都未壞，真係好勁！最近換洗衣機，安洗衣機個師傅見到我個垃圾桶都嘗試用隻手係個垃圾桶上面揮下手玩下，仲好似好新奇咁！可能因為呢種垃圾桶出左十幾年都普及唔到，所以好多人都仲未見過。